អភិបាលខេត្តស្វាយរៀងណែនាំដល់បេក្ខជនត្រូវយកចំណេះដឹងដែលបានសិក្សារួចមកធ្វើការប្រឡងទទួលយកសញ្ញាបត្របន្តសិក្សានៅគ្រិះស្ថានផ្សេងៗ អភិបាលខេត្តស្វាយរៀង ឯកឧត្តម ប៉េង ពោធិសា ក្នុងឪកាសបើកវិញ្ញាសារ ជូនដល់បេក្ខជនសញ្ញាបត្រមធ្យមសិក្សាទុតិភូមិឆ្នាំសិក្សា២០២៥.២០២៦ នៅក្នុងមណ្ឌលវិទ្យាលយ័ស្វាយរៀង ក្រុងស្វាយរៀង ថ្ងៃទី១០ ខែសីហា ឆ្នាំ២០២នេះ បានណែនាំដល់ បេក្ខជនទាំងអស់ ត្រូវបញ្ចេញសមត្ថភាព ចំណេះដឹង ដែលបានសិក្សារួចមានរយះពេល១២ឆ្នាំ ដើម្បីធ្វើការប្រឡងយកសញ្ញាបត្រ បន្តសិក្សាបន្ថែមនៅតាមគ្រឹះស្ថាននានាដែលខ្លួនពេញចិត្ត ពិសេសេផ្តល់កិតិ្តយសជូនមាតា បិតា អាណាព្យាបាល គ្រួសារ ជូនលោកគ្រូ អ្នកគ្រូ និងសាលារៀនផងដែរ ។ ឯកឧត្តមអភិបាលខេត្ត បានបញ្ជាក់ថា រាល់វិញ្ញាសារ ដែលបេក្ខជនធ្វើការប្រឡងនៅពេលនេះ គឺក្រសួង មិនចេញអោយខុស ពីមេរៀនដែលបេក្ខជនបានសិក្សារៀនសូត្រនោះទេ ដូចនេះបេក្ខជន ត្រូវពិចារណាអោយបានច្បាស់លាស់មុន និងធ្វើឆ្លើយតបលើវិញ្ញាសារទាំងនោះ ពីព្រោះ មេរៀន និងវិញ្ញាសារ ដែលក្រសួងដាក់អោយបេក្ខជនធ្វើនិងឆ្លើយ មានរយះពេលកំណត់យ៉ាងច្បាស់លាស់ពោលគឺ (អ្នកចេះប្រឡងជាប់) ។ ទាក់ទងទៅនិងសមយ័ប្រឡងដែលមានរយះពេល២ថ្ងៃនេះ ឯកឧត្តមអភិបាលខេត្ត ក្នុងនាមគណៈបញ្ជាការឯកភាពខេត្ត បានធ្វើការដាក់ពង្រាយកំលាំងការពារបានគ្រប់គ្រាន់នៅតាមតំបន់គោលគោលដៅ ហើយក្នុងករណីចំបាច់ ត្រូវសហការដោះស្រាយ ទប់ស្កាត់អោយបានទាន់ពេលវេលា ដើម្បីបង្កលក្ខណៈសម្បត្តិផ្តល់ឪកាសជូនបេក្ខជនប្រឡងអោយមានសុវត្តិភាព។ តាមរបាយការណ៏របស់មន្ទីរអប់រំយុវជននិងកីឡាខេត្ត បានបញ្ជាក់ឲដឹងថា នៅសម័យប្រឡងសញ្ញាបត្រមធ្យមសិក្សាទុតិភូមិ ឆ្នាំសិក្សា២០២៥. ២០២៦ ស្វាយរៀងមានបេក្ខជន ដាក់ពាក្យសុំចូលប្រឡងចំនួន៥ពាន់២៤០នាក់ បើប្រៀបធៀបទៅនឹងសម័យប្រឡងឆ្នាំមុនមានបេក្ខជនកើនឡើងជាង១ពាន់នាក់ ក្នុងនោះគណៈកម្មការរៀបចំប្រឡងរបស់មន្ទីរបានរៀបចំ ឱ្យបេក្ខជនចូលធ្វើការប្រឡងចំនួន ៨មណ្ឌល ស្មើនិង២១១បន្ទប់ ក្នុងនោះ ថ្នាក់វិទ្យាសាស្ត្រចំនួន១មណ្ឌលស្មើនិង៣៩បន្ទប់ មានបេក្ខជនចំនួន ៩៦៤នាក់ ថ្នាក់វិទ្យាសាស្ត្រសង្គមមានចំនួន៧ មណ្ឌលស្មើនឹង ១៧២បន្ទប់មានបេក្ខជនសរុប៤ពាន់២៧៦នាក់រួមមានមណ្ឌលសាលាបឋមសិក្សាព្រះសីហនុមានចំនួន៣០បន្ទប់ មានបេក្ខជនចំនួន៧៥០នាក់ មណ្ឌលវិទ្យាល័យស្វាយរៀងខាងត្បូង មានចំនួន ២៦បន្ទប់ មានបេក្ខជនចំនួន៦៥០នាក់ មណ្ឌលវិទ្យាល័យស្វាយរៀងខាងជើង មានចំនួន៣០បន្ទប់មានបេក្ខជនចំនួន ៧៥០នាក់មណ្ឌលសាលាគរុកោសល្យខេត្តមានចំនួន ២១បន្ទប់ មានបេសជនប្រឡងចំនន៥២៥ នាក់ មណ្ឌលវិទ្យាល័យហ៊ុនសែន ចេក មានចំនួន ៣០បន្ទប់ បេក្ខជនប្រឡងចំនួន៧៥០នាក់ មណ្ឌលសាលាបឋមសិក្សាកន្ទុយវៃចំនួន២១ បន្ទប់បេក្ខជនប្រលងចំនួន៥២៥ នាក់និងមណ្ឌលសាលាបឋមសិក្សា ២ធ្នូ ចំនួន១៤ បន្ទប់មានបេក្ខជនសរុប៤២៦ នាក់។ ចាម សុខា
